Dán jage li 848 máná Vuonan gænna li sáme mánájgárddefálaldagá. Dijmmá lidjin 758.

– Muv mielas la hármmat buorre gå Sámedikke vuorodibme mánájgárddefálaldagájda li båhtusijt buktám. Ienep ja ienep máná sáme mánájgárddefálaldagáv oadtju, ja dat la ihkeva buorre. Boahtteájge giellaaddne li dájn mánájgárdijn, ja Sámedikke bieles sihtap tjielggasit mánáj  árggabiejvev mánájgárdijn vuorodit, javllá Sámedikkeráde  Mikkel Eskil Mikkelsen.

Vuorodam mánájgárdij giellabargov nannit

DSC_1847.JPG

Sametingsråd Mikkel Eskil Mikkelsen

Foto: Åse M.P. Pulk/Sametinget

Juollodam li dårja 19 åvddånahttemprosjæktaj man ulmme l nannit mánájgárde árggabiejvvegielav bájkálasj árbbedábálasj sáme kultuvra baktu.  

Duola dagu li dårjav juollodum sierra sáme giellabarggijda, giellatjiehppe/gielebarkije, mánájgárdijda nuortta- ja oarjjelsáme guovlojn.  

– Prosjevta dagu giellatjiehppe/gielebarkije la juoga mav dálásj sámedikkeráde la válljim vuorodit danen gå sihtap nannit sámegiela sajev mánájgárdijn ienebut gå bæjválasj barggij baktu. Dát vaddá  mánájgárdijda rámmajt giellabargguj ja dajnas la árvvusasj ressursan mánájgárdijda, ållagasj  mánájgárdijda sáme guovddaguovloj ålggolin, javllá Mikkelsen.

Dán jage juollodimij baktu vuorodij Sámedikkeráde aj ådå mánájgárddefálaldagá ásadimev. Roandema suohkan oadtju 300 000 kråvån ásadittjat ådå sáme mánájgárdev Roandema suohkanin.  

Sámedikkeráde la aj juollodam dårjav pedagåvgålasj materiálajda. Dán jage lij dåssju akta åhttse dán årnigij. Davvi Girji OS la oadtjum 1 568 800 kråvnå åvddånahtátjit materiálapáhkev pedagåvgålasj materiálaj ma arvusmahtti dájdojt anátjit ja rubbmelasj dåjmajda.  

Juollodime mánájgárde rijkav miehtáj

Sámedikkeráde juollodij aj 7 120 000 kråvnå doarjjan sáme mánájgárdijda ja sáme åssudagájda dáttja mánájgárdijn. Doarjja l juogadam 31 mánájgárddáj dán jage, priváhta ja aj suohkanij sáme  mánájgárdijda ja åssudagájda.

Lassen la juollodum 2 535 000 kråvnå doarjjan sámegiellaåhpadussaj mánájda dáttja mánájgárdijn. Dårja juolloduvvin 31 mánájgárddáj rijkav miehtáj.

– Doarjjaårniga Sámedikken li siegen nannimin. Mánájgárde Vuonav miehtáj dálla bessi ietjasa fálaldagáv nannit ja mánájda vaddet buorep sámegielak árggabiejvev doarjjaårniga diehti. Midjij la ájnas mánájt vuorodit ja barggat vaj galggi buoremus fálaldagáv adnet, ja dán jage juollodime li ájnnasa dan ulmmáj jåvsådittjat, låhpat Mikkelsen.

For spørsmål eller intervju, kontakt sametingsråd Mikkel Eskil Mikkelsen, mob. +47 917 42 161.

Bilder av Mikkel Eskil Mikkelsen

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!