Guokta virge girjálasjvuodagaskostiddjen

Sámedigge almot guokta virge girjálasjvuodagaskostiddjen oarjjel- ja julevsáme giellaguovlojn. Mij åhtsåp duv gejna almma berustibme sáme giellaj ja girjálasjvuohtaj ja gejna le stuorra gaskostimhállo.

Ođas | Almmuhuvvon

Guokta ådå virge li, ma gulluji Sámedikke girjjevuorkkáj. Uddni li niellja bargge aktan fáhkajådediddjijn Sámedikke girjjevuorkán.
Barggosaje li Sámedikke kontåvrå Aarborten ja Ájluovtan.

Barggodahkamusá

Sámedigge sihtá sáme girjjálasjvuoda gaskostimev tjalmostit ja berustimev lasedit, ja vil ådå låhkkijt åttjudit. Dajnas de åhtsåp guokta sjuggelis barggijt ma duodalattjat sáme girjálasjvuohtaj lijkkuji ja gudi sáme girjálasjvuoda tjalmostahttemij sihtaba sæbrrat.

Ájnnasamos dahkamusá virgen li:

  • Álgadit, plánit ja tjadádit gaskostimdåjmajt majna sáme girjálasjvuodav åvdedit.
  • Aktijvuodav ja aktisasjbargov ásadit skåvllå- ja álmmukgirjjevuorkáj, sáme giella- ja kultuvrraguovdátjij ja/jali ietjá hiebalasj oassálasstij, dåjmaj birra ma sáme girjálasjvuodav tjalmostahtti.
  • Álgadit, plánit ja oassálasstet ásadimijn, kampánjajn ja ietjá aktijvuodajn gånnå sáme girjálasjvuoda gaskostibme le guovdátjin, dási aj gulluji Sámedikke ietjas ásadime, duola dagu sáme girjálasjvuodabiejve.
  • Plánit ja organisierit lågådallamijt, seminárajt ja kursajt sáme girjálasjvuoda birra.

Virggáj máhtti aj biejaduvvat ietjá dahkamusá ma Sámedikke doajmmaj gulluji.
Virggáj gullu aj juhte muhtem mærráj hæhttu mannat.

Gájbbádusá máhtudahkaj

Virggáj gájbbeduvvá åhpadus allaskåvlås/universitiehtas binnemusát bachelordásen, girjjevuorkkáfágan, girjálasjvuodan, sebrudakfágajn jali ietjá guoskavasj fáhkasuorgijn. Åhttsijn viertti máhtudahka ja berustibme sáme girjálasjvuodas, ja bierri diehtet gåktu sáme girjálasjvuoda fáhkasuorgge åvddånahttá. Guoskavasj barggoåtsådallama máhtti åhpadusá sadjáj boahtet, ja persåvnålasj dågålasjvuohta dættoduvvá.

Gájbbeduvvá njálmálasj ja tjálalasj máhtudahka sámegielan, åvdemusát julev- ja/jali oarjjelsámegielan, ja duodden máhtudahka avta nuorttarijkalasj gielan. Ietján de gájbbeduvvá máhtudahka sáme sebrudakvidjurij birra, ja sierraláhkáj vidjurij birra oarjjelsáme- ja julevsáme guovlojn. Buorre ja ávkken le hárjjánimijn ja åtsådallamij gaskostimbargojs jali ietjá kultuvrradåjmajs gånnå ulmutjij aktijvuohta årrum. Sávadahtte dujna le berustibme ja åtsådallama sosiála mediaj ja digitálalasj vuogádagáj barggat.

Duodden dættoduvvi persåvnålasj máhtukvuoda duola dagu:

  • Smidá la iesjrádálattjat ja ulmmelattjat bargatjit
  • Sjuggel la, ja dujna le dokumentieridum tjadádimvuohke
  • Smidá la guládalátjit ja aktisattjat bargatjit
  • Dujna li buorre njálmálasj ja tjálalasj åvddånbuktemvuoge
  • Dån la hiebadahkes ja dievnastusmielak

Bálkká- ja barggogájbbádusá

Virge bálkká l stáhta regulatijvaj milta, virggekåvddå 1408 vuostasjkonsulænnta jali 1434 rádevadde.

  • Bálkás gieseduvvá 2 % Stáhta pensjåvnnåkássaj
  • Buorre lådna- ja pensjåvnnåårniga Stáhta pensjåvnnåkássan
  • Sámedikke barggijn li hiebadahkes barggoájgge ja ietjá álkkádusårniga
  • Buorre barggobirás masi iesj la vájkkudime

Sámedikke háldadus galggá buoremus láhkáj álmmuga moattevuodav gåvvit. Barggijpolitihkalasj ulmme l jåksåt jæbddásasj áldar- ja sjiervvedilev barggosajen, ja åttjudit ulmutjijt unneplåhko- ja álggoálmmukduogátjijn.

Sámedikken la Sebradahtte Barggoiellem/ Inkluderende Arbeidsliv (SB/IA) ja galggá buorre barggodilijt láhtjet juohkka avta virgálattjaj.

Virgálattja gudi årru Finnmárkon ja Nuortta-Tråmsån oadtju oahppolåna árvov vuoledit 10 % jahkáj 25.000 kr rádjáj ja duodden oadtju værrogessusav.

Ietján biejaduvvá bargge virggáj dábálasj lágaj, njuolgadusáj ja sjiehtadusáj milta, dán vuolen bálkká ja pensjåvnnå - duodden 6 máno gæhttjalimájgge.

Guládallam

Ienep diedojt dán virge birra oattjo jus váldá aktijvuodav:

  • Åssudakdirekterajn Magne Svineng. Tel. +47 78 47 40 00, magne.svineng@samediggi.no
  • Fáhkajådediddjijn Liv Inger Lindi. Tel. +47 78 47 40 00, liv.inger.lindi@samediggi.no

Åhtsåmus

Åhtsåmus aktan oahppo- ja barggoduodastusáj sáddiduvvá elektråvnålattjat sválldasa baktu dán bielen “Søk stillingen”
(”Åtså virggáj")

Åhtsåmájggemiere maŋŋela almoduvvá almulasj åhttselissta. Almulasj § 25 lága milta máhtti diedo åhttse birra almoduvvat juska åhttse ij sidá namás åhttselisstaj.

Søk stillingen

Søknadsfrist

31. august 2020

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!