Sámedigge galggá árvvalusájt Stuorradikke nammadibmáj Duohtavuoda- ja semadimkommisjåvnå mandáhttaj buktet. Dan aktijvuodan sihtap bargov sáme sebrudahkaj vuododit ja bivddip rabás tjåhkanimijda vuojnojt álmmugis åttjudittjat (gehtja listav vuolemusán ártihkkalin gånnå ja goassa tjåhkanime li) 

Dakkár kommisjåvnnå mij luluj árvov ja sajev sebrudagán oadtjot máhttá ræjddon liehket miellaguottojt rievddadittjat. Dajnas la dálla ájnas bihkusij buktet makkir sebrudaksuorgijda kommisjåvnå barggo galggá guosskat. Le gus giela, kultuvrra ja varresvuohta ájnnasamos, vaj le gus duv mielas ietjá suorge ma li sæmmi ájnnasa? Majt lulu dån kommisjåvnnå galggá giehtadallat ja majna luluj dat barggat? Mij sihtap duv vuojnov dan birra gullat, ja dav máhtá midjij buktet rabás tjåhkanimijn jali jus e-påstav dási lulu sáddit: duohtavuohta@samediggi.no  

Sámedigge gávnat, sáme álmmuk la gillam stáhtalasj dárojduhttempolitihkas, mij vibáj ienep gå 100 jage. Moadda sáme vilá dárojduhttema hávijt guoddi, ájnegis ulmutjin ja sebrudahkan. Stuorra oasse semadimes la aktisasj dádjadibme histåvrås, mij lij duohtavuohtan ja mij lij vierrevuohtan åvdep ájge ja ma ihkap vilá li vájkkudime, ja aj gåvå histåvrå nievres bielijs badjelgæhttjamis ja vierredagojs vijddásasj ja guhkesájggásasj vájkkudimij. Dievalasj semadibme la gássjel åttjudit åvddåla duohtavuohta l sajenis ja duodastuvvam nav guhkás gå máhttelis, ja åvddåla oajválattja ja adjáj álmmuk duodaj li buojkkám mij la dáhpáduvvam ja gåktu åvdep politihkka la maŋep buolvajda vájkkudam.

Ájggomussan luluj dárkkelis tjielggidus mij tjuovvo dåjmajda tjårggisvuohtan doajmmá. Viehkedit semadibmáj la dárbbo juhti sij gudi iesjgeŋgaláhkáj li vásedam ja gillam dárojduhttemis oadtju máhttelisvuodav ietjasa subttsasijt subtsastittjat. Kommisjåvnnå guosská ådå máhtudagá ásadittjat ja máhtudagá gaskostibmáj mij dahká máhttelissan udnásj sebrudagáv Vuonan dádjadit.  

Lågå aj: Stuorradikke mærrádus duohtavuoda- ja semadimkommisjåvnå birra

Lågå aj: Sámedigge duohtavuoda- ja semadimkommisjåvnåv doarjju

Lågå aj: Kronihkka: Ålos vilá moatte buolvaj ja ietjasa låsså nådijt guoddi

Sámedigge bivddi rabás tjåhkanimijda:

Guovvamáno 12. b., kl. 18.00, Ä´vv Saa’mi Mu’zei, Njávdán
Guovvamáno 13. b., kl. 18.00, Várjjat Sámi Musea, Vuonnabahta
Guovvamáno 15. b., kl. 18.00, Álttá Sámi Giellaguovddáš, Áltá
Guovvamáno 21. b., kl. 19.00, Gjenreisningsmuseet, Hámmárfeasta
Guovvamáno 22. b., kl. 18.00, Davvi álbmogiid guovddáš, Gáivuotna
Snjuktjamáno 1. b., kl. 19.00, Sámi Viessu, Oslo
Snuktjamáno 5. b., kl. 18.00, Sámiid Vuorká-Dávvirat, Kárášjohka
Snuktjamáno 12. b., kl. 18.00, Rádeviesso suohkanstivrralanján, Romsa
Snuktjamáno 20. b. kl. 18.00, Várdobáiki, Evenášši
Snuktjamáno 21. b. kl. 18.00, Árran julevsáme guovdásj, Divtasvuodna
Snuktjamáno 22. b., kl. 18.00, Sámi giella- ja kulturguovddáš, Porsáŋgu
Vuoratjismáno 3. b., kl. 18.00, LES-viesso, Guovdageaidnu
Vuoratjismáno 9. b., kl. 18.00, Fjellkysten Gjestehus, Loabát
Vuoratjismáno 12. b., kl. 18.00, Stormen girjjevuorkká, Bådåddjo
Vuoratjismáno 16. b., kl. 16.00, Saemien Sijte, Snåase
Vuoratjismáno 17. b., kl. 18.00, Aajege Saemien gïele- jïh maahtoejarnge, Röörose

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!