PRD: Sámedikkeráde juollot ruhtadårjav vuorbástuvvam julevsámegiellaåhpadibmáj

Stall Eivik oadtju 75.000 kr joarkátjit julevsáme giellaåhpadimev Hábmerin.  

Ođas | Almmuhuvvon

Åhpadibme julevsámegielan slihturbargo baktu le vuorbástuvvam Skillvassbakkon Hábmerin. Dálla li tjadádime ådå prosjevtav “UtSijdda Mánnávuodamujtto” sierraláhkáj mánájda gitta gudá jahkáj.

Stall Eivik sihtá buorre mánnávuodamujtojt vaddet sámegiellaj båndorsijdabargo baktu.

– Stall Eivik le sjaddam guovdátjin masi ulmutja lijkkuji ja gånnå máhtti julevsámegielav oahppat vájku man vuorrasa li. Barggi buorre pedagåvgålasj vuogij milta vaj giella galggá gullut, sáhkaduvvat ja gæhttjaluvvat, javllá sámedikkeráde Mikkel Eskil Mikkelsen (NSR). 

Stall Eivik sávvá Hábmera viesáda galggi dåbddåt sáme giella ja kultuvrra sidjij gullu, gå dåjmajt oassálassti ma familljajda hiehpi. Dåjma ja kursa máhtti viehkken lasedittjat berustimev ietjá kursajda ja åhpadimijda sáme gielan ja kultuvran. 

– Ávvudahtte le gå Sámedikkeráde máhttá viehkedit Stall Eivik:av joarkket dájna fálaldagájn viesádijda Hábmerin. Ja dá bále li máná guovdátjin, hæjttá Mikkelsen.

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!