Moarmesmáno 14.biejve ájttsin Nordlánda fylkasuohkan ja Sámedigge jut soames la råggåm birrusij 80 rájge suodjaluvvam kulturmujton Kalleholmenin Vågana suohkanin. Dánna l sijddabátsidis ja moadda sáme kulturmujto, ma kulturmujttolága baktu li automáhtalattjat suodjaluvvam. Diedoj daj birra gávnnuji duola dagu sajen kulturminnesok.no. Nordlánda fylkasuohkana Kulturmujttopládna Lufoahttaj (2007) la Kalleholmen tjalmostahteduvvam sierra ja vuoroduvvam duobddágin   nasjåvnålattjat ja aj guovlluj la ájnas kulturmujtto ja kulturbirás.

Dánna li soames jali soabmása råggåm birrusij 80 rájge (gehtja kártav). Dát la tjielggasit kulturmujttolágav doadjet, mij duola dagu javllá jut “ij la loahpe dåjmajt jåhtuj biedjat ma lulun biejsstet automáhtalattjat suodjaluvvam kulturmujto, jali vádáv dahkat vaj máhtti biejsteduvvat”.

Vihtan la birrusij vahkko dáhpádusá åvddåla vuojnnám ulmutjav metalldetektåvråjn Kalleholmenin råggåmin,  valla dalloj ittjij dádjada majt vuojnij.  

Åssudakjådediddje Geir Davidsen Nordlánda fylkasuohkanin tsuojgot dasi, metállajt åhtsåt moatte bále buktá jut dålusj gávnijt gávnná. Danen Kulturmujttolága njuolgadusá ållagasj dán asstoájggedoajmmaj guosski.  Ájnas la aj, sij gudi metalldetektåvråv adni, oahpásmuvvi lágajda ja njuolgadusájda ma dasi guosski. Ållagasj li Rijkaantikvára njuolgadusá metalldetektåvråjt priváhta adnema gáktuj vuododuvvam oahpes prinsihpa nanna jut hæhttu diehtet majt dahká, ja aj vuosedit  várrogisvuodav automáhtalattjat suodjaluvvam kulturmujtoj lahkusin.  Jus ij diede gåktu dåmadit la buoremus vuostak mijájn guládallat, låhpat Davidsen.    

 Seniorrádevadde Arne Håkon Thomassen Sámedikkes låhpat alodime ulmutjijt gudi biejvijt åvddåla moarmesmáno 9.biejve li gáddalussjam jus li juoga ælvvám dajt bulkkáj diededittjat, gå da diedo lulun miellagiddevasj diedo vijddásap åtsådibmáj.  

----

Gasskavahko moarmesmáno 23.biejve galggi Sámedigge ja Nordlánda fylkasuohkan duobddágav  ådåsit guoradallat. Medijá bivddiduvvi mijáv æjvvalittjat Kalleholmenin kloahkka 14.00 sæmmi biejve. 

Guládallamulmutja:

Seniorrádevadde Arne Håkon Thomassen, Sametinget, kulturmujttoåssudahka,  tlf: 78 47 41 69, mobijlla: 47 85 39 13

Åssudakjådediddje Geir Davidsen, Nordlánda fylkasuohkan, Kulturmujto Nordlándan, mobijlla: 97 14 63 68

Kártta - Kalleholmen pdf ( 215.909 kB )
kalle_3.jpg

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!