Giellavahkko 2019

Sáme giellavahko ulmme l sáme gielaj árvov låpptit, ja buoredit máhtov sáme giela ja kultuvra birra ålles sebrudagán. Jur dan vahkon galggi sámegiela gullut ja vuojnnut juohkka sajen.

21.10 - 00:00
27.10 - 00:00

Biejve: Gålgådismáno 21. - 27. biejvij 2019

Sadje: Rijkav miehtáj

Gesi: Gájkdivna li bivddidum

Le gus dån goassak ussjolam, manen sámegiella ij mielkkepáhkijn, galbajn jalik næhttabielijn vuojnnu? Dájna la dån bivddidum Giellavahkkuj 2019. Sebra giellalåpptimij!

MIJ LA GIELLAVAHKKO?

Giellavahkko l aktisasj væhkádakbarggo tjalmostahtátjit ja la lasedittjat máhtudagáv sámegielaj birra ålles sebrudagán. Priváhta ja almulasj ásadusá, æládusiellem, organisasjåvnå ja ietjá oassevállde bivddiduvvi jur dáv vahkov sámegielajt tjalmostahtátjit. Aktan stuoráp åvdåsvásstádusáv válldep vaj sámegiela gulluji, vuojnnuji ja aneduvvi gájkka sebrudagsuorgijn.

MAJNA MÁHTTEBIHTIT VIEHKEDIT?

Vuosedit gielalasj ja kultuvralasj valljudagáv Vuonan, la siegen tjadnusijt sáme ja dáttja sebrudagá gaskan nannimin.

Majt máhttá dahkat:
• Dahkat sáme sisanov goappátjagá sámij ja dáttjaj vuoksjuj
• Låpptit sáme gielajt ja kultuvrav moatte láhkáj
• Buorisboahtemav sábmáj tjállet (Nuorttasáme: Bures boahtin - Oarjjelsáme: Buerie båeteme - Julevsáme: Buorisboahtem)
• Dahkat diededimplakáhtav adjáj sábmáj (duola dagu mujte skuovajt nuoladit)
• Ásadit giellakafiejav
• Gatsostit plakáhtav Giellavahkkoj 2019

Gájkka dårja li buorisboahtem!

Márjju dujna li ietjá buorre ájádusá ja sidá Giellavahkkoj sæbrrat?

Tjálesta giellalokten@samediggi.no, jali guládalá ietjat lagámus sáme giellaguovdátjijn!

Sæbrrit sámegielav tjalmostahtátjit!

#giellavahkku #giellavahkko #gielevåhkoe

Lågå aj: Giellavahkko 2019

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!