Stipenda alep åhpadussaj julevsámegielan jali oarjjelsámegielan, ja sáme giellaåhpadussaj studentajda márkkosáme guovlos

Sámedigge juollot stipendav studentajda gudi alep åhpadusáv julevsámegielan jali oarjjelsámegielan tjadádi, ja studentajda márkkosáme guovlos gudi sáme giellaåhpadusáv tjadádi.

Søknadsfrist: 01.03.2019 23:59

Åhtsåmájggemierre:

  • Åhtsåmájggemierre åhpadussaj mij gidágávdan álggá l snjuktjamáno 1.biejve.
  • Åhtsåmájggemierre åhpadussaj mij tjaktjagávdan álggá l gålgådismáno 1.biejve.

Gudi máhtti stipendav åhtsåt:

  • Studenta allaskåvlåjn ja universitiehtajn Vuonan gudi alep åhpadusáv oarjjelsámegiellaj jali julevsámegiellaj tjadádi.
  • Studenta márkkosáme guovlos gudi sáme giellaåhpadusáv tjadádi allaskåvlåjn ja universitihetajn Vuonan tjadádi.

Stipendaj stuorrudagá:

  • Mastar- jali bachelorgráda juohkka åhpadusgávdas 15 000 kråvnå
  • Binnemusát 30 oahppotjurga åhpadusgávddaj 15 000 kråvnå
  • 15 ja 29 oahppotjuorgaj gaskan åhpadusgávddaj 10 000 kråvnå
  • 10 ja 14 oahppotjuorgaj gaskan åhpadusgávddaj 5 000 kråvnå

Åhtsåmsjiebmá:

Sámedikke digitála åhtsåmsjiebmá galggá aneduvvat.

Åhtsåmsjiebmáj åhttsåj gut ij la Vuona álmmukregisstarin:

  • Åhttse gut ij la Vuona álmmukregisstarin - hæhttu iesj Sámedikkijn guládallat sierra åhtsåmsjiemáv åttjudittjat.
    • Vuollájtjáleduvvam åhtsåmsjiebmá galggá sáddiduvvat e-påsta baktu åvddåla åhtsåmájggemiere – gidá åhpadusgávddaj snjuktjamáno 1.biejve ja tjaktja åhpadusgávddaj gålgådismáno 1.biejve.

Duodastusá ma galggi åhtsåmusáv tjuovvot:

  • Duodastus jut dån la studænntan åhpadusán masi stipendav åtså, ja galla oahppotjuorgaj åvdås galga eksámav tjadádit.
  • Duodastus jut dån la åhpadusgávddadivudav åhpadusgávda åvdås máksám dan åhpadusgávddaj masi åhtsåmus guosská.

Diededibme:

Njuolgadusájn stipendajda alep åhpadussaj gávnnuji sierra mærrádusá diededime, dárkastusá, ruoptus máksema ja fámoduhttema hárráj, duola dagu:

  • Galggá buvteduvvat duodastusáv tjadádam eksámas gidá åhpadusgávdas åvddåla 01.10.2019
  • Galggá buvteduvvat duodastusáv tjadádam eksámas tjaktja åhpadusgávdas åvddåla 01.02.2020

Eksábmaduodastusá sáddiduvvi: samediggi@samediggi.no

Ienep diedo stipenda ævtoj hárrjáj: Gehtja stipenda njuolgadusájt.

Guládallamulmutja: Anne Marit Triumf, tlf. 78 48 42 11 ja Siv Marit R. Eira, tlf. 78 47 40 72

Elektråvnålasj åhtsåmussjiebmá

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!