Dálla máhtá oajvvadusájt giellaarvusmahttembálkkáj oajvvadit

Diedá gus avtak gut la barggam sámegielav nannitjit, åvddånahtátjit ja bisodittjat? Dálla le muddo oajvvadusájt Sámedikke giellaarvusmahttembálkkáj 2017 oajvvadittjat.

Sagka Stångberg (foto Andreas Stångberg -Sámediggi).JPG
Sagka Stångberg Deartnás eret oaččui Sámedikki giellamovttiidahttinbálkkašumi 2009:s. Govas maiddái dalá presideanta Egil Olli ja ráđđelahttu Marianne Balto. (Govven: Andreas Stångberg/Sámediggi)

Ođas: Almmuhuvvon

Juohkka nælját jage Sámedigge giellaarvusmahttembálkáv juohká ájnegis ulmutjij jali vidnudahkaj, prosjæktaj jali organisasjåvnnåj gut/mij ednagit la barggam sámegielav nannimin, åvddånahttemin jali bisodime. Bálkká le 50.000 kråvnå ja dájddadiplåvmmå.

Sámedikkeráde mierret gut galggá bálkáv oadtjot. Guddnebálkká gálggiduvvá Sámedikke biehtsemáno ållestjåhkanime aktijvuodan.

-Moattes sáme giela åvdås barggi, ájnegis ulmutja, organisasjåvnå ja institusjåvnå gudi/ma li dahkam, ja vilá dahki, ihkeva buorre bargov sámegielaj åvdås. Mij sámedikkeráden ávvudallap åttjudittjat ja  árvustalátjit måttijt buorre oajvvadusájt, ja ávvudallap Giellaarvusmahttembálkáv gudát bále juogatjit, javllá sámedikkeráde Lars Filip Paulsen, gut sámedikkeráden la vásstálasj sámegielajs.

Bálkká maŋemusát juogeduváj 2013. Dalloj tjálle, juojgge ja åhpadiddje Ánte Mihkkal Gaup/Iŋgor Ántte Ánte Mihkkal, Guovdagæjnos, dav oattjoj.

Sáme giellaráde vuododij giellaarvusmahttembálkáv jagen 2000 ja bálkká vuostasj bále juogeduváj Sámedikke ållestjåhkanime basádismáno tjåhkanimen jagen 2000. Dan maŋŋela la Sámedikke giellastivrra ja sámedikkeráde bálkáv juohkám. Sámedikke giellaarvusmahttembálkká juogeduváj Æjgátjuohkusij Divtasvuonan jagen 2000, Giellajuohkusij Skániijn jagen 2001, Harry Solhaugij Gáivuonas jagen 2002 ja Sagka Stångbergij Dearnas jagen 2009. 

Gájka bessi oajvvadit guhtimusj luluj giellaarvusmahttembálkáv vuojttet, ja ájggemierre oajvvadusájt sádditjit la vuoratjismáno 30.biejve. Oajvvadusá sáddiduvvi samediggi@samediggi.no.

 

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!