Gárvedime ådå sámedikkegávddaj

Dát dáhpáduvvá válga rájes desik ådå Sámedigge l vuododuvvam.

DCFI0810p.jpg
FOTO | Sámedikki dievasčoahkkinlatnja/Sametingets plenumssal

Ođas | Almmuhuvvon , ođasmahtton

Maŋŋela válga galggá Sámedigge válggabåhtusav dåhkkidit ja ájrrasijt juohket Sámedikke ållestjåhkanimjuohkusij, fáhkajuohkusijda ja ietjá juohkusijda majt Sámedigge l ásadam. Gålgådismáno 11.biejve Sámedikke ådå nielje jage gávdda rabáduvvá.

Gå válggaboados ja fábmodusá vatteduvvi sámeválggastivrajs, galggá gárvedime fábmodusjuogos båddåsasj fábmodusájt guoradallat. Dát juogos válljiduváj maŋemus ållestjåhkanimen. Dan rádjáj gå fábmodusá li dåhkkiduvvam ådå ájrrasa båddåsattjat doajmmi.    

Gå ådå ájrrasa gålgådismáno 11.biejve tjåhkani, de ållestjåhkanibme vuododuvvá. Gå ájrrasa ållestjåhkanimhuodnahin tjåhkkåhi, li sijá tjåhkkåhimsaje mierredum dan vuodon makkir válggabijrraj gulluji. Válggaboados iesjgeŋga ájrrasa tjåhkkåhimsajev mierret. Presidænntaj ja rádesebrulattjajda li sierra saje mierredum.  

Válggabijraj vuostasj ájras fábmodusáv åvddåj biedjá. Dan maŋŋela ållestjåhkanibme fábmodusjuohkusav vállji mij låhpalattjat galggá fábmodusájt dåhkkidit. Biejvvet maŋŋela  ållestjåhkanibme vat tjåhkan, ja dalloj Sámedigge låhpalattjat válggabåhtusav dåhkkit, ja dajna aj ájrrasijt. Dan maŋŋela ållestjåhkanibme barggagoahtá ja vuostak ållestjåhkanimjådediddjijt vállji. Gå ållestjåhkanimjådediddje li válljidum, de sij Sámedikke ållestjåhkanimev jådedahttjáji.

Ållestjåhkanibme de Sámedikke presidentav vállji, guhti  ietjas politihkalasj tjielggidusáv buktá ja rádesebrulattjajt nammat. Presidænnta ja rádesebrulattja låhpadi de ållestjåhkanimájrrasin ja ja sijá sadjásattja sajev válldi ållestjåhkanibmáj.   

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!