Jus duosta gatjádit, duossti ulmutja vásstedit

- Moatten sáme sebrudagán la miján sjávodisvuodakultuvrra. Moattes e dåhkkida diededimev vahágahttema birra. Dat máhttá ålles familja árvov biejsstet, márjju ålles sáme sebrudagá árvov.  Vahágahttem ij la priváhta ássje mij sisbielen galggá tjoavdeduvvat. Vahágahttem la siválasj stráffuduvvat ja galggá riektávuogádagán dåmaduvvat, ja danen vahágahttem galggá guoddaluvvat, javllá sámedikkeráde Mariann Wollmann Magga.

Ođas | Almmuhuvvon , ođasmahtton

31556706076_26bc95b9e1_k.jpg

Les rapporten (rapporten er på norsk, men sammendrag finnes også på nord-, sør- og lulesamisk):

Sámedigge ja Nasjåvnålasj máhttoguovdásj vahágahttemij ja traumáhtalasj diertjestibmáj almodin snjuktjamáno 8.biejve diedádusáv “Jus duossta gatjádit, duossti ulmutja vásstedit - viehkkeapparáhta ja bulkke vásádusá vahágahttemis lahka gasskavuodan sáme sebrudagán”.

Diedádus la vuododam ságastallamij fáhkabarggij ja viehkkeapparáhtajn sáme guovlojn, ja tjalmostahttá gåktu sáme vaháguvvama viehkkeapparáhtas duostoduvvi. Diedádus aj guoradallá jus li vidjura sáme sebrudagá sisbielen vaj ålgusjbielen ma vájkkudi galla vahágahttema dagáduvvi.

- Sáme sebrudahka dárbaj låhpadit jahtov gievras sáme birra, guhti gájkka gierddat galggá. Miellaguotto jut sáme næjtso ja nissuna galggi hæhttut gierddat vahágahttemav ietjasa lagámusájs hæhttup hiejtedit, javllá Wollmann Magga.

- Mij dárbahip sebrudagáv gånnå ep gudik goassak vahágahttemav dåhkkida. Åvdåsvásstádus  vahágahttemis la vahágahtte duogen, ij vaháguvvama, javllá Wollmann Magga.  

Giella- ja kultuvrramáhtudahka vádnuni

Diedádusán åvddån boahtá, ålos e bulkkáj jalik viehkkeapparáhttaj luohteda.

Sáme giella- ja kultuvrramáhtudagán la stuorra árvvon bulken ja viehkkeapparáhtan. Ságastit sieldes illastimij birra buoremusát dahká iednegiellasis viehkkeapparáhttaj mij dádjat sebrudagáv gånnå viessu, javllá sámedikkeráde Mariann Wollmann Magga.  

Wollmann Magga la ávon gå viehkkeapparáhtta miedet viertti tjiehpebu sjaddat njuolgga gatjádittjat vahágahttemij birra.

- Diedádus sjaddá ájnas vædtsagin Sámediggáj åvddålijguovlluj. Oajválattja viertti ássjev duodaj válldet ja almma dåjmajt jåhtuj biedjat aktisasjbargon sáme sebrudagájn. Lulujma ienep máhtov ja åtsådimev dan suorgen åttjudit, sæmmi gå aj sjávodisvuodav doadjep ja hiejttep nubbe nuppev tsábbmemis, javllá sámedikkeráde Mariann Wollmann Magga.

Ienep diedo:

Sámedikkeráde Mariann Wollmann Magga, 977 02 350

 

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!