Rabás virgge: Direkterra - Sámedigge

Mij åhtsåp tjiehpes ja dåjmalasj direkterav jådedittjat, nannit ja åvddånahttet Sámedikke politihkalasj ja háldadus dåjmav.

Sámedikke háldadus la Sámedikkeráde nævvo gárvedittjat ja tjadádit Sámedikke mærrádusájt.

Ođas | Almmuhuvvon , ođasmahtton

Roalla

Sámedikke direkteran la muodugasj roalla gå departemænntarádij/ ráddidusrádij buohtastahtedum Sámedikkerádijn mij la lagámus ja bajemus politihkalasj orgádna. Barggo l juogedum guovte oassáj, vuostak galggá doajmmat dåjmadahkan politihkalasj jådediddjijda ja sæmmi bále jådedit ja aktidit háldadusáv ávkálasj vuoge milta navti vaj buorre tjadádibme sihkarasteduvvá. Virgen la lagáp aktisasjbarggo politihkalasj jådediddjij. Direktera virggáj gullu rádevaddedoajmma politihkalasj jådediddjijda ja åvdåsvásstádus politihkalasj mærrádusájt tjuovvot.

Bæjválasj bargon la lájttit háldadusáv ja politihkkárijt viehkedit navti vaj sij buorre mærrádusvuodov oadtju ja gæhttjat vaj politihkalasj mærrádusá doajmmaj biejaduvvi. Sæmmi bále galggá direkterra háldadusáv jådedit, gæhttjat jut mærrádusá gaskostuvvi ja tjadáduvvi, ja huksat ávkálasj organisierimav, rutijnajt, máhtudahka ja buorre diehtojuohkemav.

Máhttogájbbádusá

Mij åhtsåp kandidáhtajt gænna li nanos sebrudahkadádjadus ja máhtto sáme sebrudagá birra. Riekta kandidáhtan la hiebalgis alep oahppo, åvdemusát masterdásen, ja nanos jådedimvásádusá. Dán vuolen aj ávkken jus la vásádusá jådedittjat politihkalasj stivrridum dåjmajt. Buorre persåvnålasj ævto virggáj ja buorre båhtusa barggoiellemis dættoduvvá. Guoskavasj åhttse guládalli buoragit sámegiellaj, dárogiellaj ja ieŋŋilsgiellaj.

Bálkká- ja barggogájbbádusá

Virgge l gávddavirgge gudá jahkáj, ja la máhttelis guhkedit nuppe ájggegávddaj.
Virgge álggá 01.09.2020.

Virgge l biejaduvvam virggekåvddåj 1062 direkterra ja virggáj gájbbeduvvá sihkarvuoda guoradallamav. Bálkká sjiehtadusá milta stáhta jådediddje bálkkávuogádusá milta.

Bálkkás gieseduvvá 2% Stáhta pensjåvnnåkássaj

Buore lådna- ja pensjåvnnåårniga Stáhta pensjåvnnåkássan

Hiebadahkes barggoájgge ja buorre álkkádusårniga

Buorre barggobirás gånnå iesj la fáron vájkkudime
Barggosadje l Kárášjågån Sámedikke háldadusán.

Sámedikke háldadus galggá nav buoragit gå máhttelis gåvvidit álmmuga moattebelakvuodav. Barggijpolitihkalasj ulmme l jåksåt jæbddásasj áldar- ja sjiervvedilev barggosajen, ja åttjudit ulmutjijt unneplåhko- ja álggoálmmukduogátjijn.

Sámedikken la Sebradahtte Barggoiellem/ Inkluderende Arbeidsliv (SB/IA) ja galggá buorre barggodilijt láhtjet juohkka avta virgálattjaj. 

Virgálattja gudi Finnmárkon ja Nuortta-Tråmsån årru oadtju oahppolåna árvov vuoledit 10 % jahkáj 25.000 kr rádjáj ja duodden oadtju værrogessusav.

Ietján biejaduvvá bargge virggáj dábálasj lágaj, njuolgadusáj ja sjiehtadusáj milta, dán vuolen bálkká ja pensjåvnnå - duodden 6 máno gæhttjalimájgge.

Guládallam

Ienep diedojt dán virge birra oattjo jus váldá aktijvuodav:

Sámedikkepresidænnta Aili Keskitalo, mobijlla +47 971 29 305

Mijá aktisasjbarggoguojmme dán rekruttierimin la Experis AS
- Solveig Finboe baktu, mobijlla +47 958 07 747
- Øystein Dahl, mobijlla +47 905 68 285

Åhtsåmus

Åhtsåmus aktan oahppo- ja barggoduodastusáj sáddiduvvá elektråvnålattjat sválldasa baktu dán bielen “Søk stillingen” (”Åtså virggáj")

Åhtsåmájggemiere maŋŋela almoduvvá almulasj åhttselissta. Almulasj § 25 lága milta máhtti diedo åhttse birra almoduvvat juska åhttse ij sidá namás åhttselisstaj.

Oza bargui

Ohcanáigemearri

23. guovvamánnu 2020

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!